DILI-Partisipasaun feto iha vida politika importante teb-tebes, tanba ne’e wainhira Partidu Congresu Nasional Reconstrusaun Timorense (CNRT) manan iha elisaun tinan ne’e, sei haforsa ka hametin diak liu tan feto nia pozisaun iha vida politika.
Kestaun ne’e fo sai husi reprejentante feto husi partidu CNRT Fernanda Lay, liu husi debate partisipasaun feto iha vida politika, nebe halao iha knua STL Corporation, Surik Mas, Kinta (28/6).
“Partisipasaun feto, nomos iha estatuto partidu CNRT rasik fo ona persentajen bo’ot, tuir lei eleitoral mos garante partisipasaun feto nian, maibe bainhira ami manan, ami reforsa ka sei ajuda feto maluk sira, liu-liu sira nebe’e laiha oportunidade atu aprende iha eskola, ka edukasaun formal, hanesan treinamentu ruam,” hateten Fernanda.
Konaba asuntu ne’e hetan resposta mos husi reprejentante Partidu ASDT Emilia da Costa katak, nia tama iha lista kandidatura partidu ASDT, tanba ne’e sira nia partisipasaun feto atu foti desizaun ruma iha partidu nia laran, no feto sira mos hetan duni partisipasaun masimu. Informasaun kompletu iha STL Jornal no STL Web, edisaun Sesta (29/6).
source
http://suara-timor-lorosae.com/berita-13476-cnrt-manan-sei-hametin-pozisaun-feto-iha-vida-politika-.html
0 comments:
Post a Comment